Microsoft kompaniýasy ýakyn wagtda “Windows dolandyryş panelinden” (Windows Control Panel) aýrylmagy meýilleşdirýändigini tassyklady. “Dolandyryş panelinden” ýüz öwrüljekdigi baradaky ilkinji myş-myşlar 2011-nji ýylda Windows 8-iň çykmagy bilen peýda bolanam bolsa, ol şu wagta çenli ulanylyp gelinýärdi. Indi Microsoft öz web sahypasynda geljekde Windows-daky “Dolandyryş panelini” aýyrjakdygy baradaky habaryny ilkinji gezek çap etdi.
Microsoft-yň goldaw bölüminde aýdyşy ýaly, indi has döwrebap we tertipli interfeýs hödürleýän “Sazlamalar” programmasynyň peýdasyna “Dolandyryş panelini” ýuwaş-ýuwaş aýyrýar.
Microsoft-da düşündirişlerine görä, “Dolandyryş paneli” häzir utgaşyklyk nukdaýnazaryndan we entek geçirilmedik käbir sazlamalara girmek üçin saklanýar. Şeýle-de bolsa, işläp taýýarlaýjylar mümkin boldugyça “Sazlamalar” programmasyny ulanmagy maslahat berýärler.
