Amerikanyň Sceye kompaniýasy özüniň stratosfera dirižablynyň günlük synaglaryny üstünlikli tamamlady. 15-nji awgustda 24 sagatlyk uçuşy wagtynda apparat 18,5 müň metr belentlikde batareýalaryna gündizine çeýe Gün panelleri arkaly zarýad bermek, soň bolsa toplanan energiýany gijeki uçuş üçin ulanmaga ukyplydygyny görkezdi diýip, New Atlas ýazýar.
Sceye dirižably siwilizasiýadan uzakdaky jemgyýetlere giň zolakly interneti bermek, howa we daşky gurşawa gözegçilik etmek, ýangyn we beýleki tebigy betbagtçylyklary yzarlamak ýaly dürli wezipeleri ýerine ýetirmek üçin niýetlenendir. Apparat birnäçe aýlap howada galyp biler.
Şu güne çenli Sceye dirižably 20 sany synag uçuşyny amala aşyrdy. 2024-nji ýylyň ahyrynda ýene iki uçuş meýilleşdirilýär. Olar şowly bolsa, kompaniýa 2025-nji ýylda dirižabllary täjirçilik maksatly ulanmaga başlamagy meýilleşdirýär.
