Nemes sazandasy we kolleksioneri Uli Zalm dünýäde iň uly gitaralar kolleksiýasyny toplandygy üçin Ginnesiň rekordlar kitabyna girdi. Onuň kolleksiýasynda Fender, Gibson we Washburn ýaly meşhur brendleriň 854 saz guraly bar diýip, baýragyň web sahypasynda aýdylýar.
Kolleksiýadaky ilkinji gitara 1963-nji ýylda, ene-atasy 14 ýaşly Zalma Fender Precision-yň gitarasyny sowgat berenlerinde peýda bolýar.
"Olar öz-özünden köpelip barýarlar, bir ýerde çagalap çykýan çeşmesi bolmaly" -diýip sazanda degişýär.
Indi 76 ýaşly sazandanyň kolleksiýasynda, hatda 1953-nji ýylyň Fender Precision-y we 196-nji ýylyň Fender Jazz-y ýaly seýrek nusgalar hem bar. Gitaralaryň käbiri Gamburgdaky Salma restoranynda sergilenýär, beýlekileri temperaturasyna gözegçilik edilýän ýörite otagda saklanýar. Saz gurallary rokuň ady rowaýata öwrülen wekilleriniň ünsüni birnäçe gezek özüne çekdi. Kolleksiýany görmäge AC / DC, Aerosmith, Freddi Merkýuri, Elton Jon, Bon Jovi we başgalar geldiler.
Uli Zalmyň özi Leinemann, Rudolf Rok & Die Schocker we The Wonderbeats toparlary bilen işjeň çykyş etdi, şeýle-de, Çak Berri, Jerri Li Lýuis we Bill Heýl ýaly meşhur sazandalar bilen hyzmatdaşlyk etdi. Bir döwür Jon Lennon bilen soňra täze düzüminde The Beatles-e öwrülen The Quarrymen toparynda saz çaldy.
