Saud Arabystany Neom megapolisiniň taslamasynda ulanmak üçin Candela P-12 elektrik gämileriniň iň uly toplumyny sargyt etdi.
Suwasty ganatlary bolan sekiz sany şwed gämisi ýolagçylary 25 uzele çenli tizlik bilen gatnatmaga mümkinçilik berip, suwda tiz we ekologiýa taýdan arassa hereketi üpjün edýär.
Nol zyňyndy bilen suw ulagy üçin işlenip taýýarlanylan Candela P-12 korpusy suwuň üstünden ýokary götermäge mümkinçilik berýän kompýuter bilen dolandyrylýan suwasty ganatlar bilen özboluşly gurluşa eýedir. Bu batareýalara has köp işlemäge mümkinçilik berip, gämileriň hereketiniň uzak menzilini we tizligini üpjün edýär. Gämi 31 ýolagçyny sygdyrýar we bahasy, takmynan, 2,5 mln ýewro deňdir.
Bu öň dynç alyş üçin tiz hereket edýän katerleriň önümçiligine ýöriteleşen Candela kompaniýasynyň taryhynda iň uly söwda sargydydyr. Gämileriň müşderä geljek ýyl iberilmegine garaşylýar, şondan soň olar Saud Arabystanynyň çölde ekologiýa taýdan durnukly megapolisi döretmek boýunça uly taslamasy bolan Neom-da ulanylyp başlanar.
