2-nji sentýabrda geçirmek meýilleşdirilýän ilkinji resmi görkezilişden birnäçe gün öň, täzelenen Toyota RAV4 2024-iň dizaýny we häsiýetnamalary baradaky maglumatlar syzdyrylyp, tora ýaýrady diýip, speedme.ru neşiri ýazýar.
Modeliň daşky görnüşine birnäçe üýtgeşiklikler, şol sanda täze radiator gözenegi, bamperleriň gorag plastinalary, täzelenen teker arkalary we gapylaryna bezeg elementleri goşular diýip garaşylýar.
Salonynda material bölekleri we reňk çözgütleri üýtgär, şeýle hem agaç pisint bezeg peýda bolar. Düwmeleriň töweregindäki plastmassa bölekleri “gara pianino” stilindäki bezeg bilen çalşylar.
Tizligi geçiriji enjamyň töweregindäki plastmassa has ýokary hilli material bilen çalşyrylar we merkezdäki tirseklige ýumşak material goýlar. Oturgyçlaryň ýüzüne hakyky deriniň ýerine sintetiki örtük çekiler.
Bu model 2,0 litrlik atmosfera hereketlendirijisi, şeýle hem 2,5 litrlik hereketlendirijili gibrid geçiriji bilen üpjün ediler.
