General Motors (GM) dünýäniň iň uly awtoulag bazaryndaky satuwynyň pese gaçmagy sebäpli, Hytaýdaky işgärleriniň sanyny azaltmaga taýynlanýar.
Iýul aýynda SAIC General Motors-yň satuwy geçen ýyl bilen deňeşdirilende 82,42% pese düşüp, bary-ýogy 15 000 awtoulag satyldy. Şu ýylyň ilkinji ýedi aýynyň içinde bolsa, satuwlar 55,14% peseldi.
GM ýerli hyzmatdaşy SAIC bilen Hytaýda alnyp barylýan işleriň düýpli üýtgedilmegi barada gepleşikler geçirmegi meýilleşdirýär.
Işgär sanynyň azaldylmagy, Hytaý bazary bilen baglanyşykly gözleg bölümini hem öz içine alar. GM we SAIC Motor ýakyn günlerde önümçilik kuwwatyny azaltmak meselesini hem ara alyp maslahatlaşarlar.
Üýtgeşmeler elektromobilleriň önümçiligine geçmegi, önümçiligi premium modellerine gönükdirmegi we premium awtoulaglaryň importyny öz içine alýar. GM has amatly awtoulaglary we elektromobilleri öndürmek üçin SAIC Motor we Wuling Motors bilen hyzmatdaşlygyny dowam etdirer, ulaglaryň käbiri Hytaýdan eksport ediler.
Hytaýdaky daşary ýurt markalary ýerli öndürijileriň berk bäsdeşligine we artykmaç önümçilik kuwwatyna duçar bolýarlar.
