Türkmenistanyň futbol boýunça milli ýygyndysynyň baş tälimçisi Mergen Orazow tejribelik geçmek üçin sentýabr aýynda Portugaliýanyň milli ýygyndysynda baş tälimçisi Roberto Martinesiň ýanyna barar diýip, "GDA-nyň sesi" portaly habar berýär.
Bellenilişi ýaly, tejribelik sapaklary Türkmenistanyň Futbol federasiýasynyň AFK we UEFA bilen hyzmatdaşlyklaryň çäginde amala aşyrylar. Tejribelik sapaklarynyň çäklerinde milli ýygyndymyzyň baş tälimçisiniň Portugaliýanyň ýygyndysynyň sentýabr aýyndaky türgenleşiklerine tomaşa etmegine garaşylýar.
Şeýle hem türkmenistanly tälimçi Ýewropanyň çempiony bolan ýygyndynyň ýoldaşlyk duşuşyklarynyň ikisine gatnaşar.
Bu sapaklar barada UEFA-nyň halkara derejeli tälimçisi Gennadiý Skurtulyň Aşgabada saparynyň çäklerinde aýdyldy.
