Microsoft Paint 3D goşundysynyň goldawyny bes eder we noýabr aýynda ony goşundylar dükanyndan aýrar. Ulanyjylara bu programmanyň ýakyn wagtda işlemegini bes etjekdigi barada habarnama gelip başlady.
Paint 3D 2017-nji ýylda Windows 10 Creators täzelenmesi bilen bile işe girizilipdi. Ol 3D-sungat işlerini döretmäge mümkinçilik berýärdi. Ulanyjylaryň oňyn seslenmesine garamazdan, bu goşundy köpçülikleýin meşhurlyk gazanyp bilmedi. Soňlugy bilen Paint 3D Windows gurnalanda standart goşundylaryň sanawyndan aýryldy.
Häzirki wagtda Paint 3D diňe Microsoft Store-de elýeterli. Dükandan aýrylandan soň, onuň mundan beýläkki ulanylyşyna kepillik berilmeýär. Microsoft ulanyjylara öz taslamalaryny saklap galmagy we 3D grafika bilen işlemek üçin başga programmalary gözlemegi maslahat berýär.
