Raýan Reýnoldsyň we Hýu Jekmanyň baş rollarda çykyş eden "Dedpul we Rosomaha" filmi dünýä prokatynda eýýäm 1 milliard dollar ýygnady.
25-nji iýulda prokata çykan bu film iki ýarym hepdäniň içinde haýran galdyryjy netijäni görkezip, 2024-nji ýylda milliardlyk çägi geçen ikinji film boldy. Bu babatda öňdeligi heniz hem "Tapmaça 2" filmi eýeläp gelýär (1,5 milliard dollar).
«Dedpul we Rosomaha» "18+" ýaş kategoriýasynda taryhda iň girdejili film bolmaga tarap ynamly barýar. Munuň üçin oňa 1,074 mlrd dollar gazanan "Jokeri" geçmek galdy.
Filmiň sýužetine görä, Dedpul Marvel kinoälemini hem-de öz älemini halas etmek üçin ýola çykýar. Ýeňil bolmadyk bu işde oňa Rosomaha (Hýu Jekman) ýoldaş bolýar.
