Miluokide (Wiskonsin ştaty, ABŞ) agaçdan dünýäde iň beýik gökdirän binany gurmak meýilleşdirilýär. Taslama Michael Green Architecture (MGA) binagärlik býurosy tarapyndan işlenip taýýarlandy diýip, New Atlas ýazýar.
Bina 55 gatdan ybarat bolup, dünýäde bar bolan iň beýik agaç binadan – Miluokide ýerleşýän 25 gatly Ascent diňinden ep-esli beýik bolar.
Täze diň 750 ýaşaýyş jaýyny, takmynan, 17 600 inedördül metr ofis jaýlaryny, 3700 inedördül metr söwda meýdançalaryny, 300 myhmanhana otagyny, awtoulag duralgasyny, jemgyýetçilik ýerlerini we pyýada ýollaryny öz içine alar.
Taslamanyň bahasy 700 mln dollardan gowrak bolup, agajyň gaýtadan dikeldilýän çeşmedigi üçin ekologiýa taýdan durnukly bolmaga wada berýär.
MGA häzirkizaman agaç materiallarynyň ýokary derejede berkdigini we oda çydamlydygyny, şol sebäpli olaryň beýik jaýlary gurmak üçin iň laýyk materialdygyny belleýär.
