Walt Disney Studious D23 sergisinde meşhur animasion lentasynyň prikweli boljak “Mufasa: Şa ýolbars” (Муфаса: Король Лев) filminiň treýlerini hödürledi. Onuň premýerasy 20-nji dekabra meýilleşdirilýär.
Treýlerde Mufasa bilen Şramyň "I Always Wanted a Brother" aýdymy bilen bilelikde ilkinji duşuşygy görkezilýär.
Film baradaky gysgaça maglumat: "Hekaýa, Mufasany şa ganynyň mirasdüşeri Taka (Şram) bilen duşuşmazdan ozal ýetim ýolbars çagasy hökmünde görkezýär".
Filmiň sýužetinde Rafiki Simba bilen Nalanyň gyzy Kiara Mufasa baradaky rowaýaty gürrüň berýär. Gürrüňiň dowamynda Timon we Pumba hem öz degişmeleri bilen çykyş edýärler.
Režissýor Barri Jenkins Mufasanyň maşgalasy we dostlary arkaly tomaşaçylaryň tanaýan keşbine girendigini belläp geçýär. Mufasanyň keşbini Aaron Pýer seslendirýär. Beýleki aktýorlar: Mads Mikkelsen, Donald Glower, Beýonse we gyzy Blýu Aýwi, Set Rogen we Billi Aýnkner.
