Pixar studiýasy “Super maşgala” (Суперсемейка) multfilminiň üçünji bölümini taýýarlamaga başlandygyny habar berdi. Multfilmiň dowamynyň üstünde filmiň ilkinji iki bölümini surata düşüren ssenariýaçy we režissýor Bred Býord işlär.
“Super maşgala” Pixar Animation Studios tarapyndan döredilen iki animasion multfilme esaslanýan mediafranşizadyr. Onuň aktýorlar düzümine Kreýg T. Nelson, Holli Hanter, Sara Wauell we Semýuel L.Jekson girýär.
Birinji multfilm 2004-nji ýylyň noýabrynda ekrana çykdy we iň gowy doly metražly animasion film hökmünde “Oskar” baýragyny aldy. Ikinji bölüm 2018-nji ýylyň iýun aýynda çykaryldy. Iki bölüm dünýäde jemi 1,87 mlrd dollar gazandy.
