Virgin Galactic amerikan kompaniýasy 2026-njy ýylda täjirçilik ulanylyşa goýberilmeli täze Delta gämisinde kosmos syýahaty üçin petegiň bahasyny mälim etdi. Kompaniýanyň ýolbaşçysy Maýkl Kolgeýzer petegiň bahasynyň adam başyna 600 müň dollar boljakdygyny aýtdy diýip, SpaceNews habar berýär.
Delta kosmos gämisi alty ýolagça niýetlener. Virgin Galactic ulanylyşyň ilkinji ýylynda 750 töweregi adamy gatnatmagy meýilleşdirýär, bu kompaniýa 95-110 mln dollar möçberde girdeji getirer.
Geljekde kompaniýa flotuny dört gämä we iki uçara çenli giňeltmegi göz öňünde tutýar, bu hem uçuşlaryň sanyny ýylda 275-e ýetirmäge mümkinçilik berer. Munuň kompaniýa ýylda 990 mln dollar möçberde girdeji getirmegine garaşylýar.
Şeýle-de, Virgin Galactic Ýewropada ýa-da Ýakyn Gündogarda ikinji kosmodromyny açmak mümkinçiligine seredýär. Bu meýilnama durmuşa geçirilen ýagdaýynda, kompaniýanyň kosmos syýahatçylygyndan gazanýan girdejisi ýylda 1,98 mlrd dollara ýetip biler.
