Pariždäki Olimpiýa marafonynda 2022-nji ýylyň dünýä çempiony, 32 ýaşly efiopiýaly Tamirat Tola ýeňiji boldy. Ol 42 km 195 m aralygy 2 sagat 6 minut 26 sekuntda geçip, täze Olimpiýa rekordyny goýdy.
Ikinji orny belgiýaly Başir Abdi eýeledi, ol ýeňijiden 21 sekunt yza galdy. Üçünji bolup pellehana keniýaly Benson Kipruto geldi (+34 sekunt).
Belläp geçsek, taryhda iň köp titula eýe bolan marafonçylaryň biri, bu aralykda iki gezek Olimpiýa çempiony (2016, 2020), keniýaly Eliud Kipçoge 35-nji kilometrde ýaryşdan çykdy. Şol wagta çenli 39 ýaşly türgen öňdebaryjydan 8 minutdan gowrak yza galyp, soňky, 77-nji orny eýeleýärdi. Şondan soň ol tomaşaçylara tarap öwrülip, olara öz krossowkasyny sowgat berdi.
Kipçoge hiç haçan distansiýadan çykmandygyny aýtdy.
“Bu meniň iň erbet marafonym” – diýip, türgen belledi we häzirki Olimpiadanyň özi üçin soňky bolandygyny aýtdy.
Kipçogeden başga-da, iki Olimpiýa altyn medalyny diňe iki ylgawçy aldy – efiopiýaly Abebe Bikila (1960-njy ýyllarda) we GDR üçin çykyş eden Waldemar Serpinski (1970-1980-nji ýylarda). Marafonda Olimpiýa oýunlarynyň üç altyn medaly hiç kimde ýok.
