Apple kompaniýanyň taryhynda iň ykjam kompýuter boljak täze dizaýn bilen täze M4 Mac mini-ni hödürlemegi meýilleşdirýär. Üýtgeşmeler gurluşa ölçegi boýunça Apple TV bilen deňleşmäge mümkinçilik berer, ýöne onuň beýikligi häzirkizaman komponentleri we sowadyş ulgamyny ýerleşdirmek üçin birneme ulaldylyp bilner diýip, Overclockers ýazýar. Belläp geçsek, häzirki Apple TV modeliniň beýikligi 1,4 dýuým.
M4 Mac mini soňky 13 ýylda Mac maşgalasynda dizaýnyň ilkinji möhüm täzelenmesi bolar. Kompaniýa onuň berkligini üpjün etmek üçin alýumin korpusy ulanar.
Ölçegiň kiçeldiljekdigi baradaky çaklamalara garamazdan, häzirlikçe munuň üçin nähili üýtgeşmeleriň boljakdygy barada giňişleýin maglumatlar ýok. Ýöne kompaniýa Ethernet üçin RJ45-i aýryp, ony Thunderbolt porty bilen çalşyp biler.
Bloomberg-den Mark Gurman M4 Mac mini-ni Apple-iň has inçe we has ykjam gurluşlary döretmek ugrundaky ýene bir ädimi hasaplaýar, onuň sözlerine görä, bu geljekki iPhone 17 we MacBook Pro modelleri üçin hem standart bolar.
