Sports Illustrated we PIX11 ýaly amerikan neşirleri türkmen ýeňil atletikaçysy Walentina Meredowanyň Parižde Olimpiýa oýunlaryna eden hereketine üns berdiler. 2-nji awgustda, 100 metr aralyga ylgamakda aýallaryň arasyndaky ýaryşyň birinji tapgyrynda, 29 ýaşly türkmen türgeni ylgawyny tamamlap, Günorta Sudandan bäsdeşi Lýusiýa Morise kömek etmek üçin dessine yzyna dolandy. Sudanly türgen 70-nji metrde ýere ýykyldy.
Şol ýaryşda dördünji orny eýelän W.Meredowa we altynjy orny eýelän Laosly türgen Pha Aphaý lukmanlar gelýänçä şikes alan Morise bilelikde ýardam etdiler. Az wagtdan lukmanlar 23 ýaşly türgeni alyp gitdiler.
Belläp geçsek, W.Meredowa birnäçe milli rekordlaryň eýesi. Pariž Olimpiadasy onuň üçin eýýäm ikinji Olimpiýa oýunlarydyr. Ondan öň ol 2008-nji ýyldaky ýaryşlara gatnaşypdy. Parižde ol ýaryşyň ýarym finalyna çykyp bilmedi. Oňa derek ol möwsümde öz iň gowy netijesini görkezdi — 11,95 sekunt.
