Irlandiýanyň maglumatlary goramak boýunça komissiýasy (DPC) Ilon Maskyň X kompaniýasyny Grok emeli aň modeline tälim bermek üçin ulanyjylaryň şahsy maglumatlaryny birugsat ulanmakda aýyplap, kompaniýa garşy kazyýet işini açdy. Bu barada Indian Express habar berýär.
DPC-niň aýtmagyna görä, kompaniýa platformanyň ulanyjylaryny SMS-leriniň we beýleki maglumatlarynyň ulanylmagy barda habardar etmezden, olary awtomatiki usulda hasaba alýar.
Ýewropa Bileleşiginiň maglumatlary goramak boýunça umumy düzgünnamasyna (GDPR) laýyklykda, kompaniýalar maglumatlary gaýtadan işlemezden ozal ulanyjylardan rugsat almalydyrlar. Ýöne DPC-niň berýän habaryna görä, X ulanyjylaryny maglumatlaryň AI-y tälim etmek üçin ulanyljakdygy barada habardar etmeýär.
Şeýle hem DPC X kompaniýasynyň hereketleriniň GDPR talaplaryna laýyklygyny gözden geçirmegi üçin Ýewropanyň maglumatlary goramak boýunça geňeşine (EDPB) ýüz tutdy.
