Parižde geçirilýän Olimpiýa oýunlarynyň ýapylyş dabarasy dünýä ýyldyzlarynyň gatnaşmagyndaky ajaýyp waka öwrüler. Köpsanly çeşmelere salgylanýan Variety-niň habar bermegine görä, bu çärede Billi Aýliş, Snup Dogg we Red Hot Chili Peppers dagylar çykyş eder.
Şeýle artistleriň saýlanmagynyň özi 2028-nji ýylda geçiriljek indiki tomusky Oýunlaryň ABŞ-da boljakdygy bilen baglanyşyklydyr. Ýapylyş dabarasynyň çäginde baýdak Los-Anželesiň häkimine gowşurylar.
Le Parisien neşiriniň berýän maglumatlaryna görä, şüweleňde iki fransuz toparynyň – Phoenix-iň we AIR-niň çykyş etmegine garaşylýar. Mundan başga-da, bu çärä Teýlor Swiftiň we Golliwudyň Raýan Gosling, Leonardo Di Kaprio ýaly birnäçe ýyldyzlarynyň gatnaşjakdygy onuň gyzygyny hasam artdyrýar.
Aýdymçylaryň öňünden ýazylan we janly torlary Los-Anželesden göni ýaýlyma berler. Konsertiň prodýuseri “Gremmi” baýragynyň we 2021-nji ýylda “Adel bilen geçiriljek agşam” CBS taslamasynyň üstünde işlän Ben Uinston bolar.
Artistleriň çykyşy Tom Kruzyň dabara üçin ýörite taýýarlan, “Mümkin däl tabşyryk” franşizasynyň soňky bölümindäki ýaly, motosiklde görkezjek birnäçe howply, ýeser oýunlarynyň yzysüre başlanar.
2024-nji ýylyň Olimpiýa oýunlarynyň ýapylyş dabarasy 11-nji awgustda, ýekşenbe güni, Parižiň “Stad de frans” stadionynda bolar. Arena konsert zalyna öwrüler. Ýapylyş dabarasyny Olimpiýa oýunlarynyň resmi web sahypasynda görüp bilersiňiz. Çäre aşgabat wagty bilen sagat 22:00-da başlar.
