2024-nji ýylyň iýun aýynda Boeing Starliner kosmos gämisinde Halkara kosmos stansiýasyna (HKS) uçan iki amerikan astronawty 2025-nji ýyla çenli orbitada galmaly bolmagy mümkin. Munuň sebäbi, kosmos gämisi HKS bilen birleşenden soň, kän wagt geçmänkä reaktiw hereketlendirijilerde ýüze çykarylan näsazlyk bilen baglydyr.
NASA-nyň berýän maglumatlaryna görä, hereketlendirijiler bilen bagly mesele ekipažyň Starliner-de Ýere gaýdyp gelmegini töwekgelçilik döredýär. Şunuň bilen baglylykda, astronawtlaryň yzyna howpsuz ýagdaýda gaýdyp gelmegi üçin SpaceX-iň Crew Dragon kosmiki gämisini ulanmak mümkinçiligi göz öňünde tutulýar, ýöne munuň üçin 2025-nji ýylyň fewral aýyna çenli garaşmaly bolar.
Bu missiýa ilkibaşda 8 günden köp dowam etmez diýip garaşylýardy. Emma Starliner gämisiniň hereketlendiriş ulgamynda näsazlyk ýüze çykdy, bu bolsa mundan beýläk ony işledip boljakdygyna şübhe döredýär. Inženerler näsazlygyň ýylylyk izolýasiýa gatlagynyň zaýalanmagyna we hereketlendirijiniň gurluşynyň üýtgemegine getirýän gorag gaplarynyň aşa gyzmagy bilen baglanyşyklydygyny öňe sürýärler. Boeing-iň wekili kompaniýanyň Starliner-i ekipažsyz yzyna gaýtarmak üçin zerur çäreleri görmäge taýýardygyny aýtdy.
NASA hereketlendiriji bilen bagly näsazlyk çözülmese, ekipažyň howpsuzlygyny üpjün etmek üçin, alternatiw çözgütleri gözlemegini dowam etdirýär.
Starliner-iň ekipažynyň başga bir gämide yzyna gaýdyp gelmegi Boeing-iň kosmos bölüminiň abraýyna diýseň ýaramaz täsir eder we SpaceX -iň bu pudakdaky ornuny hasam güýçlendirer.
