Absolýut söweş çempionatynyň (UFC) agyr agramda öňki çempiony, kamerunly Frensis Ngannu Professional söweş ligasynda (PFL) braziliýaly Renan Ferreýra bilen söweşer. Bu barada guramanyň saýtynda habar berilýär.
Ferreýra agyr agramda promouşeniň häzirki çempionydyr. Titul söweşi 19-njy oktýabrda geçiriler we Ngannu üçin PFL-de ilkinji çykyş bolar.
Bu söweşiň ýeňijisi soňra agyr agramda Gran-priniň çempiony bilen duşuşar.
Ngannu 37 ýaşynda, ol professional MMA-da 17 ýeňiş gazandy we üç ýeňlişe sezewar boldy. 2023-nji ýylyň oktýabrynda britaniýaly Taýson Fýuriden emin agzalarynyň tapawutly karary bilen ýeňildi. 2024-nji ýylyň mart aýynda boks düzgünleri boýunça ikinji söweşini geçirdi we britaniýaly Entoni Joşuadan ikinji raundda nokaut arkaly ýeňildi.
34 ýaşly Ferreýranyň hasabynda 13 ýeňiş, üç ýeňliş bar, ýene üç söweş geçirilmedik diýlip hasaplandy.
