Hytaýda giperlupyň prototipi wakuum tunnelinde ilkinji gezek synagdan geçirildi. Sinhua-nyň habar bermegine görä, otly howpsuz we durnukly hereketi görkezip, ýokary tizlikli ulag üçin täze mümkinçilikleri açdy.
Ozal giperlup taslamasy Ilon Mask tarapyndan hödürlenipdi.
Ýokary geçirijili magnitler bilen işleýän magnitoplan Şansi welaýatynda gurlan 2 km-lik synag ýolunda üstünlikli synagdan geçirildi. Hytaý Aerokosmiki Ylym we Senagat Korporasiýasy (CASIC) tarapyndan geçirilen synaglar otlynyň pes wakuum şertlerinde hereket etmek, tizlenmek we durmak ukyplaryny görkezdi.
Geljekde bu ulagyň tizligini sagatda 1000 km-e ýetirmek meýilleşdirilýär, bu bolsa Pekin bilen Şanhaýyň arasyndaky ýol wagtyny häzirki 3 sagat 58 minutdan 1 sagat 30 minuta çenli azaldar.
Maglew tehnologiýalarynyň diňe bir ýolagçy gatnawynda däl, eýsem, kosmos we harby maksatlar üçin ýük daşamakda hem ulanylyp bilinjekdigi bellenip geçilýär.
