2024-nji ýylyň ýanwar-iýul aýlarynyň dowamynda Türkmenistanyň “Deňiz söwda floty” ýapyk görnüşli paýdarlar jemgyýeti öz gämilerinde 1 400 000 tonna ýüküň, 3 345 konteýnerleriň, 10 546 awtoulaglaryň daşalyşyny amala aşyryp, görkezijilerini geçen ýylkydan ýokarlandyrdy. Bu barada Orient paýdarlar jemgyýetiniň web sahypasyna salgylanyp habar berýär. Diagrammanyň görkezijilerine laýyklykda, 100 müň tonna artyk ýük daşaldy.
Şeýle-de bu paýdarlar jemgyýeti şu hepde Türkmenbaşy-Aktau-Türkmenbaşy ugry boýunça “Balkan” gury ýük daşaýan gämi arkaly ýük daşalyşynyň amala aşyrylmagynyň meýilleşdirilýändigini müşderilerine habar berdi. Gatnawyň takmynan senesi: 7-8-nji awgust bolar. Gäminiň ýük göterijilik ukyby 2000 tonna (ýa-da 40-futlyk konteýnerler (FEU) – 76 sany, 20-futlyk konteýnerler (TEU) -176 sany) barabardygy bellenilýär.
Mundan başga-da “Balkan” gury ýük daşaýan gämi arkaly Türkmenbaşy-Baku-Türkmenbaşy ugry boýunça yzygiderli halkara ýük daşalyşy hem amala aşyrylýar.
“Deňiz söwda floty” paýdarlar jemgyýetiň öz içine 3000 tonna/44 konteýner ýeleşdirýän gury ýük daşaýan gamileri, nebit gämileri – 6000 tonna, awtoulag we ýolagçy paromlary – 54 ýük daşaýan awtoulaglary bolup, Hazar deňzinde dürli ugurlar boýunça daşary ýurt gämileriniň ýangyç bilen doldurmak we ýük daşalyş hyzmatlaryny hödürleýär.
