Norwegiýada Ullewol futbol stadionynyň üçeginde dünýäniň dik panelli iň uly Gün elektrik stansiýasy oturdyldy.
Gurluşda 200 W güýji bolan 1242 dik Gün paneli bar, bu bolsa Gün şöhleleriniň kuwwatyny ulanmaga mümkinçilik berýär. Gurnaýyş işleri birnäçe günüň içinde tamamlandy.
Over Easy Solar kompaniýasy tarapyndan işlenip düzülen Gün panelleriniň agramy 11 kg / m² bolup, üçegiň dürli ýerlerinde gurnamagy aňsatlaşdyrýar. Panelleriň dik tertibi iki tarapynyň hem işlemegini üpjün edýär, bu bolsa elektrik stansiýasynyň netijeliligini, adaty çözgütler bilen deňeşdirilende, 20-30% ýokarlandyrýar.
Stadionda panelleriň işleýän taraplarynyň biri günorta tarap bakdyrylyp, gündogara 20 ° -a çenli gyşardylan, bu gyşda, gün şöhlesiniň az wagty onuň öndürijiligini ýokarlandyrýar. Gyşda garyň ýokary derejede yza serpikdirme häsiýetiniň hasabyna dik panelleriň netijeliligi ýokarlanýar.
Işläp düzüjiler iň uly dik panelleri gurnamak boýunça bu rekordyň gysga wagtlykdygyna we has köp ýaşyl energiýa öndürjek mundanam uly gurnamalaryň ýakyn wagtda peýda boljakdygyna ynanýarlar.
