Türk aeronawtika birleşigi uniwersiteti (Türk Hava Kurumu Üniversitesi – THKU) Türkmenistanyň raýat awiasiýasy pudagynda işlejek talyplara bilim berip başlar. Bu barada uniwersitetiň rektory, professor Rahmi Er TRT AVAZ teleýaýlymynda belläp geçdi.
1-nji martda türkmen halkynyň Milli Lideri Gurbanguly Berdimuhamedowyň Türkiýä iş saparynyň çäginde “Türkmenistan” awiakompaniýasy” açyk görnüşli paýdarlar jemgyýeti bilen Türk aeronawtika birleşigi uniwersitetiniň arasynda özara düşünişmek hakynda gol çekilen Ähtnamanyň çäklerinde tomus düzüminiň hünärlerini öwrenmek üçin talyplaryň birinji topary düzüldi.
Uniwersitetiň rektorynyň bellemegine görä, "Türkmenistan” awiakompaniýasynyň gyzyklanmasy bilen uçarman zerurlygyny kanagatlandyrmak maksady bilen şertnama gol çekildi.
Ol şeýle hem diňe bir uçarman taýýarlamak bilen çäklenilmän, eýsem, awiasiýa pudagynyň zerurlyklary göz öňünde tutulyp, uçar tehnologiýasy, howa ligistikasy, dispetçer ýaly ugurlarda hünärmenleri ýetişdirmek üçin talyplary kabul etjekdiklerini aýtdy.
