Kamala Harris ABŞ-nyň Prezidenti wezipesine resmi taýdan dalaşgär boldy

  • 06.08.2024 21:30
  • 6.2k+

ABŞ-nyň wise-prezidenti Kamala Harris resmi taýdan Demokratik partiýadan prezidentlige dalaşgär hökmünde görkezildi. Bu barada The New York Times habar berýär. Harris 1-nji awgustdan 5-nji awgust aralygynda geçirilen onlaýn ses berişligiň dowamynda 4567 delegat-demokratyň 99%-iniň goldawyny aldy.  

Demokratik partiýa, adatça, dalaşgärleri milli gurultaýda hödürleýär. Ýöne şu ýyl ses berişlik käbir ştatlara býulletenleri tabşyrmaga ýetişmek üçin onlaýn geçirildi. Kamala Harris gatnaşmak üçin kwalifikasiýadan geçen ýeke-täk dalaşgär boldy.

Demokratlaryň milli gurultaýy 19-njy awgustda Çikagoda açylar. Hut şol ýerde Harris öz nominasiýasyny resmi taýdan kabul eder. Şeýle-de, gurultaýda wise-prezident wezipesine dalaşgär görkeziler. Harris eýýäm bu wezipä dalaşgär hökmünde Minnesotanyň gubernatory Tim Uolzy saýlady.  

Harris häzirki Prezident Jo Baýden saýlawdan öňki ýaryşa gatnaşmakdan ýüz öwrenden soň potensial dalaşgär boldy. Baýden Respublikan partiýasyndan dalaşgär we ABŞ-nyň öňki Prezidenti Donald Tramp bilen şowsuz çekeleşikden soň şeýle karara geldi.

ABŞ-nyň Prezident saýlawlary 5-nji noýabrda geçiriler.


26.11.2025 12:21
6.3k+

ABŞ-da energiýany simsiz geçirmek boýunça rekord goýuldy

Star Catcher Industries amerikan startapy lazer şöhlesi arkaly adaty, kommersiýa Gün panellerine 1,1 kW optiki kuwwat geçirmek bilen simsiz energiýa geçiriş boýunça täze dünýä rekordyny goýdy. Synaglar Florida ştatynyň Kennedi adyndaky kosmodromynda geçirildi...

24.11.2025 14:23
11k+

Altyn ätiýaçlygy boýunça ýurtlaryň infografikasy: Merkezi banklar ony çökgünlikden goranmak üçin ýygnaýarlar

Altyn iň ygtybarly we wagtyň synagyndan geçen gymmatly serişdeleriň biri bolmagynda galýar. Bütin dünýädäki Merkezi banklar onuň gorlaryny artdyrmagyny dowam etdirýärler, bu bolsa 2025-nji ýylda metalyň bahalarynyň rekord derejede ýokarlanmagyna getirdi...

19.11.2025 23:16
19k+

Tramp Ak tamda Ronalduny kabul etdi we ony ähli döwrüň iň beýik oýunçysy diýip atlandyrdy

Portugaliýanyň milli ýygyndysynyň hüjümçisi Kriştianu Ronaldu hormatly myhman hökmünde Ak tama bardy we ABŞ-nyň Prezidenti Donald Trampyň maşgalasy bilen tanyşdy diýip, ESPN habar berýär. Sişenbe güni Tramp Waşingtonda Saud Arabystanynyň mirasdüşer şazadasy Muhammed bin Salmany kabul etdi...

13.11.2025 10:46
12k+

ABŞ-da taryhda iň uzak dowam eden "şatdaun" tamamlandy

ABŞ-nyň Prezidenti Donald Tramp ýurduň taryhynda iň uzak dowam eden hökümet işiniň togtadylmagyna (“şatdaun”) nokat goýup, wagtlaýyn maliýeleşdirmäge degişli kanuna gol çekdi diýip, CNN habar berýär. Şeýlelikde, 40 günden gowrak dowam eden federal hökümetiň işiniň togtadylmagy resmi taýdan soňlandy...