HBO “Tagt oýnunyň” älemine esaslanýan ýedi sany täze taslamanyň üstünde işleýär. Bu barada seriýanyň awtory, ýazyjy Jorj Martin janköýerler bilen söhbetdeşlikde yglan etdi diýip, Westeros.org portalyny esaslandyryjylar habar berýär.
Martiniň sözlerine görä, üç film taslamasy we dört animasiýa taslamasy işlenip düzülýär. Bularyň hemmesi işläp taýýarlaýşyň dürli tapgyrlarynda barýar.
Martin bu taslamalaryň iýun aýynda surata düşürilip başlanan “Aždarhanyň öýüni” (“Дом дракона”) we “Ýedi şalygyň rysaryny” (“Рыцарь семи королевств”) öz içine almaýandygyny aýtdy. Ýazyjy täze taslamalar barada başga goşmaça maglumat aýtmady.
Ondan öň, Eýgon Basybalyjy barada taýýarlanylýan serial, roýnarlaryň şa zenany Nemeriýa hakda “On müň gämi” (“Десять тысяч кораблей”) serialy, şeýle hem iki animasiýa taslamasy - Korlis Welarionyň syýahatlary hakynda (9 Voyages) we Ýi Ti-niň Altyn imperiýasy (The Golden Empire of Yi Ti) baradaky seriallar mälimdi.
