Türkmen tennisçisi Roland Garros ýetginjekleriň arasynda saýlama ýaryşyna gatnaşmak üçin "wild card" aldy

  • 06.08.2024 12:23
  • 5.6k+

Sabrina Rahmanowa Türkmenistanyň tennis taryhynda ilkinji gezek Roland Garros ýetginjekleriň arasynda saýlama ýaryşyna gatnaşar. Ýurdumyzyň wekili 5–9-njy awgust aralygynda Almaty şäherindäki «Gorky Tennis Park» tennis meýdançalarynda geçiriljek ýaryşyň guramaçylaryndan bu bäsleşige gatnaşmak üçin adaty talaplardan boşadylyp, «wild card» alyp, şeýle abraýly ýaryşda ýurdumyza wekilçilik etmek hukugyny aldy diýip, "Türkmenistan: Altyn asyr" elektron neşiri habar berýär.

«Bu waka diňe bir türgeniň özi üçin däl, eýsem, tutuş tennis jemgyýeti üçinem möhüm ähmiýetli wakadyr, ol Türkmenistanda tennisi ösdürmek üçin täze mümkinçilikdir şertleri açýar» diýip, Türkmenistanyň Tennis Federasiýasynda bellediler.

Sabrina Rahmanowa Türkmenabat şäherindäki 24-nji orta mekdebiň okuwçysy. Ol Türkmenistanyň milli ýygyndysynyň baş tälimçisi, şeýle hem «Aşgabat» tennis akademiýasynyň tälimçisi Mirali Gasanowdan tälim alýar.
2025-nji ýylda geçiriljek Fransiýanyň açyk ýetginjekler çempionatynyň esasy bäsleşigine gatnaşmaga hukuk gazanmak üçin Sabrina Rahmanowa Merkezi we Günbatar Aziýada 17 ýaşa çenli güýçli tennisçileriň 16-sy bilen bäsleşer. Ol şu ýylyň iýul aýynda Özbegistanda geçirilen üç hepdelik okuw-türgenleşiginde geljekki saýlama ýaryşa güýçli taýýarlandy.
Aziýanyň Tennis Federasiýasy we Fransiýanyň Tennis Federasiýasy Aziýada tebigy meýdançada tennisi ösdürmek, şeýle hem 17 ýaşa çenli bir oglana we bir gyza, 2025-nji ýylda ýetginjekleriň arasynda Roland Garros ýaryşynyň esasy bäsleşigine gatnaşmaga «wild card» berýän iň güýçli türgenleri kesgitlemek üçin ýaryşlar tapgyryny geçirmek barada Ähtnama gol çekdiler.
Tennis boýunça Fransiýanyň açyk çempionaty diýilýän Roland Garros ýaryşy ussatlar tennisde Uly tuwulga dört ýaryşynyň biridir. Ol her ýyl Parižiň Roland Garros meýdançalarynda geçirilýär. 1891-nji ýyldan bäri geçirilýän bu ýaryş 1968-nji ýyldan ussat türgenler üçin açyk ýaryşa öwrüldi.


25.06.2025 16:41
14k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...

23.06.2025 13:50
1.6k+

Alkaras Londondaky ATP 500 ýaryşynda 21-nji titulyny gazandy

Dünýäniň ikinji raketkasy ispaniýaly Karlos Alkaras Londonda geçirilen ATP 500 ýaryşynyň ýeňijisi boldy. Ol finalda reýtingiň 30-njy ornuny eýeleýän çehiýaly Irži Legeçkany utdy. Oýun 7:5, 6:7 (5:7), 6:2 hasabynda tamamlandy...

23.06.2025 12:17
2.1k+

Gazagystanly tennisçi Aleksandr Bublik Germaniýada ATP 500 ýaryşynyň ýeňijisi boldy

Gazagystanly tennisçi Aleksandr Bublik Gallede (Germaniýa) geçirilen ATP 500 ýaryşynyň ýeňijisi boldy. Finalda ol russiýaly Daniil Medwedewi 6:3, 7:6 hasabynda utdy. Duşuşyk 1 sagat 21 minut dowam etdi. Bu Bubligiň Galledäki ýaryşda 2023-nji ýyldaky ýeňşinden soň ikinji ýeňşi boldy...

23.06.2025 01:08
5.9k+

Türkmen karateçileri Bişkekde Merkezi Aziýanyň çempionatynda 12 medal gazandylar

Türkmenistanly karateçiler Bişkek şäherinde geçirilýän Merkezi Aziýanyň WKF karate boýunça 10-njy çempionatynda jemi 12 medal gazandylar. Bu barada Türkmenistanyň karate-do federasiýasy habar berdi. Ýaryşa Gazagystan, Gyrgyzystan, Täjigistan, Türkmenistan we Özbegistandan gelen 609 türgen gatnaşýar...