Ginnesiň rekordlar kitabynyň administrasiýasy kino dünýäsinde täze rekordlary hasaba aldy. Hususan-da, gurama amerikaly aktýor Uesli Snaýpsyň Marvel-iň iki rekordyny täzeländigini habar berdi.
Snaýps “Dedpul we Rosomaha” filminde ýarym wampir-ýarym adam Bleýdiň keşbine gaýdyp gelip, 1998-nji ýylda asyl “Bleýd” çykanyndan 25 ýyl 340 gün soň bu roly ilkinji gezek oýnady. Şeýlelik bilen, ol 24 ýyl Rosomahany janlandyran Hýu Jekmandan öňe geçdi.
Snaýps Marvel gahrymanlaryny janlandyrmalaryň arasyndaky arakesmäniň uzaklygy boýunça hem rekord goýdy. Soňky gezek aktýor 2004-nji ýylda “Bleýd: Üçler” (Блейд: Троица) filminde super gahrymanyň keşbini ýerine ýetirdi. Ol “Dedpul we Rosomaha” şundan 19 ýyl 231 gün soň gaýdyp geldi. Bu görkeziji boýunça Snaýps “Möý adam: Öýe ýol ýok” (Человек-паук: Нет пути домой) filminde doktor Oktawiusyň keşbine gaýdyp gelen Alfred Molinadan öňe geçdi.
