Amerikaly aýdymçy Britni Spirsiň “Mendäki zenan” atly kitaby esasynda film surata düşüriler. Variety neşiriniň habar bermegine görä, filme “Wicked: Part One” (Злая: Часть первая) fantastiki lentasy bilen tanalýan Jon Çu we Mark Platt režissýorlyk eder.
Aýdymçy öz ýatlamalarynda kakasynyň uzak wagtlyk hossarlygy, Jastin Timberleýk bilen gatnaşygy, maşgala kynçylyklary ýaly şahsy durmuşyndan ozal näbelli bolan maglumatlary jikme-jik beýan edýär.
“Mendäki zenan” kitaby New York Times neşirindäki wersiýasynda bestseller boldy we bütin dünýäde onuň 2 milliondan gowrak nusgasy satyldy.
Britni Spirs bu taslama baradaky maglumatlary sosial ulgamlarda tassyklady.
“Janköýerlerime Mark Platt bilen gizlin taslamanyň üstünde işleýändigimi aýdýanyma begenýärin. Ol elmydama meniň halaýan filmlerimi surata düşürýärdi...” – diýip, aýdymçy ýazdy.
