“Tapmaça 2” multfilmi taryhda iň köp girdeji gazanan 10 filmiň hataryna girdi

  • 03.08.2024 16:27
  • 2.5k+

Amerikanyň Pixar studiýasynyň “Tapmaça 2” (Головоломка 2) multfilmi kassa ýygymlary boýunça “Ar alyjylar” (Мстители, 2012) filminden öňe geçip, taryhda iň köp girdeji gazanan 10 filmiň sanawyna girdi. Taslama 1,53 milliard dollardan gowrak girdeji gazanyp, sanawda 10-njy orny eýeledi.

“Şa Ýolbars” (Король Лев) (1,65 milliard dollar) filmininden öňe geçip, ýene bir basgançak ýokary galmak üçin “Tapmaça 2” filmi takmynan ýene 120 million dollar gazanmaly bolar.
Taryhda iň köp girdeji gazanan 10 film:

  1. “Awatar” - 2,92 milliard dollar;
  2. “Ar alyjylar: Soňy” (Мстители: Финал) - 2,79 milliard dollar;
  3. “Awatar: Suwuň ýoly” (Аватар: Путь воды) - 2,32 milliard dollar;
  4. “Titanik” - 2,26 milliard dollar;
  5. “Ýyldyz söweşijileri: Güýjüň oýanmagy” (Звёздные войны: Пробуждение Силы) - 2,07 milliard dollar;
  6. “Ar alyjylar: Bakylyk söweşi” (Мстители: Война бесконечности) - 2,05 milliard dollar;
  7. “Möý adam: Öýe ýol ýok” (Человек-паук: Нет пути домой) - 1,92 milliard dollar;
  8. “Ýura eýýamynyň dünýäsi” (Мир Юрского периода) - 1,67 milliard dollar;
  9. “Şa Ýolbars” (Король Лев)  - 1,65 milliard dollar;
  10. “Tapmaça 2” - 1,53 milliard dollar.

“Tapmaça 2” animasion filminiň dünýä premýerasy 14-nji iýunda geçirildi. Multfilm striming hyzmatlarynda güýzde peýda bolar.
Filmde baş gahryman Raýli Andersonyň ýetginjeklik döwri barada gürrüň berilýär. Onuň kellesindäki eýýäm bize tanyş bolan şatlyk, gynanç, gorky, gahar duýgularyna howsalalyk, göriplik, ýürekgysgynçlyk we utanç duýgulary goşulýar.


şu gün 00:39
832

Lionsgate täze “Açlyk oýunlary: Orak möwsüminiň säheri” filmindäki keşp üçin muşdagy saýlady

Lionsgate kinostudiýasy “Açlyk oýunlary: Orak möwsüminiň säheri” (Голодные игры: Рассвет жатвы) filmi üçin açyk kastingiň ýeňijisini yglan etdi. Filme Floridadan aktýor we režissýor Dewon Singlteri gatnaşar. Ol Bleriň – Heýmitç Abernatiniň we Berd Ewerdiniň ýakyn dostunyň, Kitnissiň kakasynyň keşbini ýerine ýetirer...

şu gün 00:28
2.1k+

Alymlar iň gorkunç 10 filmi aýtdylar

“Science of Scare” britan taslamasy iň gorkunç filmleriň täzelenen reýtingini hödürledi. Hünärmenler tomaşa wagty adamlaryň pulsuny ölçäp, haýsy horror filmleriň olarda uly gorky döredýändigini kesgitledi diýip, Forbes ýazýar...

düýn 00:17
1.9k+

“Mitçeller bilen maşynlaryň gapma-garşylygy” multfilminiň dowamy çykar

“Mitçeller bilen maşynlaryň gapma-garşylygy” (The Mitchells vs. the Machines) animasion filminiň dowamy çykarylar. Variety neşiriniň habar bermegine görä, täze bölümiň režissýorlary hökmünde Jeý Pi Sans (“Garagol ýigitler 2”) we asyl filmiň ssenarisiniň üstünde işlän Gilýermo Martines çykyş eder...

23.10.2025 18:04
3.5k+

Disney “Tron: Ares” filminiň şowsuz bolmagy sebäpli $133 mln möçberde ýitgi çeker

Belli “Tron” ylmy-fantastik franşizasynyň dowamy bolan “Tron: Ares” filmi Disney üçin şowsuz taslama boldy. Deadline neşiriniň habar bermegine görä, kompaniýa onuň önümçiligine, takmynan, 220 mln dollar sarp etdi – bu tutuş franşiza üçin rekord mukdardyr...