Kanadaly suwda ýüzüji Sammer Makintoş Pariždäki Olimpiýa oýunlarynda 200 metre batterflýaý usulda ýüzmekde altyn medal gazandy. Ol bu aralygy 2 minut 03,03 sekuntda geçip, täze Olimpiýa rekordyny goýdy.
Kümüş medaly amerikaly Regan Smit aldy (2.03,84). Üçlügi hytaýly Çžan Ýuýfeý jemledi (2.05,09).
17 ýaşly Makintoş üçin bu Pariždäki Oýunlarda üçünji baýrak boldy. Öň, ol 400 metre erkin usulda ýüzmekde kümüş medalyň eýesi boldy we 400 metre toplumlaýyn ýüzüşde ýeňiş gazandy.
Zenanlaryň arasynda 4x200 metre erkin usulda estafeta ýaryşynda hem Olimpiýa rekordy goýuldy. Awstraliýanyň ýygyndysy bu aralygy 7.38,08 wagtda geçip, hytaýlylar tarapyndan Tokio-2020-de goýlan rekordy (7.40,33) täzeledi.
Şeýlelikde, öz hasabyna altyn medallary awstraliýalylar Ariarne Titmus we Molli O’Kallagan goşdy. Molli üçin bu Parižde eýýäm üçünji, Ariarne üçin ikinji çempionlyk titulydyr.
Ýaryşda ikinji orny amerikalylar (7.40,86), üçünji orny hytaýly suwda ýüzüjiler (7.42,34) eýelediler.
