Şu ýylyň mart aýynda hödürlenen täzelenen Hyundai i30 Ýewropada satuwa çykaryldy. Indi awtoulagyň ähli wersiýalarynyň bahalary belli diýip, Speedme.ru habar berýär.
i30 heçbeginiň başlangyç bahasy 31 500 ýewro. Bu bahadan alyjy 100 at güýjüni öndürýän 1,0 litrlik turbo hereketlendirijisi we 6 basgançakly mehaniki geçirijisi bolan awtoulagyň i-Motion wersiýasyny alyp biler. Şeýle hem şuňa meňzeş hereketlendirijisi bolan Comfort gurluşly uniwersal hödürlenýär, onuň bahasy 4000 ýewro gymmat.
Goşmaça töleg arkaly 6 basgançakly geçirijini 7 basgançakly “robot” geçirijä çalşyp bolýar.
Mundan başga-da, Hyundai i30-yň 140 at güýjüni öndürýän 1,5 litrlik turbo hereketlendirijili wersiýasy hem elýeterlidir. Bu hereketlendirijiniň hem mehaniki, hem-de robot geçirijili görnüşleri bardyr. 1,5 litrlik hereketlendirijisi bolan Premium heçbeginiň bahasy 38 000 ýewra golaý. Şuňa meňzeş gurluşy bolan uniwersal 1000 ýewro gymmatdyr.
