Robert Dauni-kiçi hemişe Marvel kinoäleminde surata düşýän iň ýokary zähmet hakly aktýordy, ýöne onuň tölegi bäşinji we altynjy “Ar alyjylarda” (Мстители) has ýokary bolup biler.
Variety neşiriniň maglumatlaryna görä, aktýora “Ar alyjylar: Kyýamat güni” we “Ar alyjylar: Gizlin uruşlar” filmlerinde Doktor Dumyň keşbi üçin 80 mln dollardan gowrak pul tölener. Şeýle-de, KHBS Robertiň filmlere gaýdyp gelmegi üçin şert goýandygyny aýdýarlar.
Ýagny, Robert Dauni-kiçi täze filmleriň režissýorlarynyň “Ar alyjylar: Bakylyk urşy” we “Ar alyjylar: Final” lentalaryny surata düşüren doganlar Russonyň bolmagyny isläpdir. Bu şeýle hem boldy, aktýoryň özi bolsa kinoäleme gaýdyp geldi.
“Kyýamat gününiň” premýerasy 2026-njy ýylyň 1-nji maýynda bolar, “Gizlin uruşlar” bolsa 2027-nji ýylyň 7-nji maýynda prokata çykar.
