Parižde 2024-nji ýylyň tomusky Olimpiýa oýunlarynyň üçünji ýaryş güni tamamlandy.
29-njy iýulda pnewmatik ýaragdan atmak, at sporty, suwa bökmek, mauntinbaýk, dzýudo, ýaý atmak, skeýtbording, kürekli slalom, sport gimnastikasy, ýüzmek we gylyçlaşma ýaly sportuň 11 görnüşinde 17 medal toplumy paýlandy.
Ýaryşlaryň netijesi boýunça Ýaponiýanyň milli ýygyndysy medal sanawynda öňdebaryjylygyny berkitdi, onuň hasabynda 12 medal (alty altyn, iki kümüş we dört bürünç) bar. Aýratynam, Ýaponiýanyň erkekler ýygyndysynyň gimnastlaryň arasynda geçirilen toparlaýyn köp görnüşli ýaryşda gazanan ýeňşi täsir galdyryjy boldy.
Fransiýa dördünji orundan ikinji orna çykdy (5+8+3). Duşenbe güni Oýunlaryň ýer eýeleri gylyçlaşmada we kürekli slalomda ýeňiş gazandylar.
Iň gowularyň üçlügini Hytaýyň topary jemledi (5+5+2). Şol bir wagtyň özünde, iň köp medaly ABŞ-nyň türgenleri gazandy, olaryň hasabynda jemi 20 medal bar (3+8+9).
