Fransiýadan bäş gezek dünýä çempiony Leon Marşan Parižde dowam edýän Oýunlarda 400 metre toplumlaýyn ýüzüşde altyn medal gazanyp, täze Olimpiýa rekordyny goýdy. 22 ýaşly ýüzüji bu aralygy 4 minut 2,95 sekuntda geçip, amerikaly Maýkl Felpsiň 2008-nji ýylda geçirilen Oýunlarda goýan rekordyny (4 minut 3,84 sekunt) täzeledi.
Marşana bu aralyga ýüzmekde 2023-nji ýylda goýlan dünýä rekordy hem degişli – 4 minut 2,50 sekunt.
Ikinji orny ýaponiýaly Tomoýuki Matsusita eýeledi (+5,67 sekunt), bürünç medaly amerikaly Karson Foster aldy (+5,71).
Zenanlaryň arasynda 100 metre batterflýaý usulda ýüzmekde amerikaly Torri Haski ýeňiş gazandy (55,59 sekunt). Kümüş medaly onuň watandaşy Grethen Uolş aldy (+0,04), bürünç medala hytaýly Çžan Ýufeý mynasyp boldy (+0,62).
