Çžeszýan welaýatynyň (Hytaý) Sarp edijileriň hukuklaryny goramak boýunça komissiýasynyň awtoulag hünärmenler topary dürli görnüşli elektrik güýç gurluşlary bolan meşhur sedanlara eýeçilik etmegiň bahasyna deňeşdirme seljermesini geçirdi. Deňeşdirmä Toyota Camry-niň gibrid güýç gurluşly dokuzynjy nesli, benzin hereketlendirijili Volkswagen Passat, Tesla Model 3 we gibrid BYD Han DM-i gatnaşdy. Bu barada MyDrivers habar berýär.
Barlagyň netijelerine görä, Toyota Camry alyjy üçin iň bähbitli ulag boldy. Gibrid Camry-ä 8 ýyllap işlän döwründe 25,9 müň dollar çykdajy ediler, bu bolsa awtoulagyň öz bahasyndan sähel köpdür. Benzin bilen işleýän Passat birneme gymmat bolup çykdy - 8 ýylda 26,4 müň dollar.
Şol bir wagtyň özünde, Tesla Model 3 eýesine has gymmat düşýän eken - 8 ýylda 35,3 müň dollar, gibrid BYD Han DM-i bolsa 35,7 müň dollar boljak eken.
Hünärmenler awtoulag saýlananda diňe ýangyjyň bahasyna däl, eýsem, onuň işleýşi bilen baglanyşykly ähli çykdajylara hemmetaraplaýyn baha bermelidigini nygtaýarlar. Şeýle çykdajylara elektrik ulagynyň we gibridiň zarýad berijileriniň bahasy, tehniki hyzmat, ätiýaçlandyryş, wagtyň geçmegi bilen ulagyň könelmegi we gymmatyny ýitirmegi degişlidir.
