Parižde geçirilýän Olimpiýa oýunlarynyň ilkinji gününde 13 medal toplumy paýlandy. Medal sanawynyň garaşylmadyk öňdebaryjysy üç altyn we iki kümüş medal gazanan Awstraliýanyň milli ýygyndysy boldy. Awstraliýaly türgenler ähli baýraklary suwda ýüzmek ýaryşynda we welosiped ýaryşlarynda gazandylar.
Ikinji orunda iki altyn, bir kümüş we bir bürünç medal bilen Hytaý ýerleşdi. Hytaý türgenleri sport atyşygynda we suwa bökmekde tapawutlandylar. ABŞ bir altyn, iki kümüş we iki bürünç medal bilen üçünji orny eýeleýär.
Regbi-7 boýunça ýaryşda ilkinji altyn medaly gazanan Fransiýa medal sanawynda dördünji orunda ýerleşýär. Olimpiýa oýunlaryny kabul eden fransuz türgenleri üçlüge girmäge çalyşýarlar.
Gazagystanyň hem üstünlikli başlangyjyny bellemek gerek. Dzýudoda Ýeldos Smetowyň altyn medaly we garyşyk toparyň atyşykda bürünç medaly Gazagystana medal sanawynda ýokary orny eýelemäge mümkinçilik berdi.
