SpaceX kompaniýasy Starlink hemra ulgamynyň dünýäde 1000-den gowrak uçarda ýokary tizlikli interneti üpjün edýändigini habar berdi. Bu barada Kanadanyň WestJet we Telus kompaniýalary bilen hyzmatdaşlygyň yglan edilmegi bilen baglylykda aýdyldy diýip, IXBT habar berýär.
“Starlink-e dünýäde 1000-den gowrak uçaryň birikdirilendigini göz öňünde tutsaň, sähel bökdençlik bilen ýokary tizlikli internet – bu awiasion aragatnaşygyň geljegi” – diýip, Starlink-iň korporatiw satuw boýunça wise-prezidenti Jeýson Friç aýtdy.
WestJet bilen hyzmatdaşlyk bu awiakompaniýanyň ýolagçylaryna ýakyn aýlarda Starlink internetine elýeterli bolmaga mümkinçilik berer. Mundan başga-da, Telus bilen hyzmatdaşlyk WestJet Rewards maksatnamasyna gatnaşyjylara Starlink-e mugt elýeterliligi hödürlär.
SpaceX-iň ýolbaşçysy Ilon Mask Starlink-iň ýolagçylara hatda howada-da ýerüsti süýüm birikmesiniň tizligini duýmaga mümkinçilik berjekdigine ynam bildirdi.
Starlink-e birikdirilen uçarlaryň sanynyň barha artmagyna we dünýädäki ýolagçylara uçuş wagtynda ýokary tizlikli internete elýeterliligi hödürlemegine garaşylýar.
