“Time” žurnaly 2024-nji ýylda syýahatçylar üçin iň gowy 100 ugruň sanawyny hödürledi. Ol jahankeşdeleriň dürli gyzyklanmalaryny we isleglerini göz öňünde tutýar.
Işjeň dynç alşy söýýänler üçin žurnal Keniýadaky safarini, Malaýziýada retroekspressi, Alýaskadaky “Denali” milli seýilgähinde pyýada gezelençleri we Botswanada welosiped ugurlaryny maslahat berýär.
Rahatlandyryjy dynç alşy makul bilýänler üçin “Time” Awstriýadaky Gündogar Tirola baryp görmegi, Täze Zelandiýadaky demirgazyk polýar şöhlelenmesinden lezzet almagy ýa-da Samui adasynda dynç almagy teklip edýär.
Ýekelikde dynç almak isleýänler üçin Niderlandlardaky Dýurgerdam obasy hödürlenýär.
Žurnal binagärlik muşdaklaryna Pariždäki “Le Gran Mazarini” myhmanhanasyna, kolonial gökdirän binalary bolan Buenos-Aýrese we asuda köçeleri bolan Londona baryp görmegi teklip edýär.
Sanawda hödürlenen beýleki gyzykly ugurlaryň arasynda Norwegiýanyň fiordlarynyň üsti bilen parom ýollary, Guanhandaky üýtgeşik heýkeller, Täze Zelandiýadaky Tutukakanyň suwasty dünýäsi we Awstraliýadaky gülgüne köl bar.
