Türkmenistanyň Telewideniýe, radiogepleşikler we kinematografiýa baradaky döwlet komiteti halypa aýdymçylaryň haýsy biriniň ömür-döredijilik ýoly hakynda gürrüň beriljekdigini tomaşaçylara kesgitlemegi teklip edýär. Munuň üçin SMS arkaly ses bermek ýeterlik.
Owaz radioýaýlymynyň “Sungata sarpa” gepleşigi ussat halypalarymyzdan söz açýan gepleşikleri taýýarlap ýaýlyma berýär. Şeýlelik bilen, ildeşlerimiz haýsy halypanyň ömür-döredijiligi bilen has gyzyklanýandygyny anyklap, şol barada gepleşikler ýaýlyma berler.
Sungat ýolunda mahmal owazy bilen yz galdyran halypa aýdymçylarymyza ses bermek üçin 0502 gysga belgisine 111, 222 ýa-da 333 kod belgisini SMS arkaly ugratmaly.
111 - Türkmenistanyň halk artisti Atabaý Çarygulyýew;
222 - Türkmenistanyň at gazan artisti Nurýagdy Tokgaýew;
333 - Türkmenistanyň at gazan artisti Rejep Ulugow.
Gepleşigiň şertlerine görä, ussat aýdymçylaryň haýsysyna has köp sms gelse, şol aýdymçynyň döredijiligi barada “Sungata sarpa” atly gepleşik 4-nji awgustda 12:04-de “Owaz” radioýaýlymynda ýaýlyma berler.
Ses bermegiň netijelerini şu salgydan yzarlap bilersiňiz.
