Karl III-niň şa emläkleri geçen ýyl 1,1 mlrd funt sterlinge çenli ýokarlandy. Bu barada Britaniýanyň şa maşgalasy tarapyndan hödürlenen maliýe hasabatyna salgylanyp, BBC News habar berýär.
Girdejileriň artmagy şa maşgalasynyň eýeçiligine alty sany täze ýel elektrik stansiýasynyň goşulmagy bilen baglanyşyklydyr. Girdejiniň ýokarlanmagy şa maşgalasynyň indiki maliýe ýylynda aljak döwlet pul kömeginiň hem artmagyna getirer. Ol 132 mln funt sterling bolar, bu häzirki mukdardan 45 mln köpdür.
Pul serişdeleri Bukingem köşgüniň abatlaýyş işlerine we köneleri çalyşmak üçin iki sany täze dikuçaryň satyn alynmagyna sarp ediler. 2022-nji ýyldaky maglumatlara görä, şanyň aktiwleriniň we emläkleriniň umumy bahasy 34,3 mlrd dollar bilen bahalandyryldy. Bu mukdar Bukingem we Kensington köşklerini, şeýle-de Londondaky hem-de Beýik Britaniýanyň başga sebitlerindäki ýerleri we gozgalmaýan emläkleri öz içine alýar.
