Halkara Futbol federasiýasy (FIFA) Pariždäki Olimpiýa oýunlarynda oýunçylaryň eminler bilen aragatnaşygyny çäklendirýän tejribesini dowam etdirer. Bu barada guramanyň resmi saýtyna salgylanyp, RIA Nowosti habar berýär.
Ýewro-2024-de synag edilen täze düzgün diňe toparlaryň kapitanlaryna eminler bilen gürleşmäge rugsat berýär. FIFA we Halkara Futbol assosiasiýalarynyň geňeşi (IFAB) tejribäni üstünlikli diýip hasapladylar we Olimpiadanyň gatnaşyjylary üçin görkezmeleri hödürlediler.
Kapitanlar oýunçylaryň eminiň töwereginde üýşmezligine gözegçilik etmeli. Eminiň ýanyna baryp, onuň bilen rugsatsyz gürleşýän oýunçylara sary duýduryş berler. Kapitan bolmadyk futbolçy bilen aragatnaşyk eminiň garamagyna galýar.
Eger kapitan derwezeban bolan ýagdaýynda, topar emin bilen gürleşmek üçin meýdan oýunçysyny bellemeli. Diňe saýlanan oýunçy eminler bilen gürleşip biler.
