26-njy iýulda Olimpiýa oýunlarynyň resmi açylyş dabarasyny geçirjek Pariž şäherinde eýýäm ilkinji dünýä rekordy goýuldy. Bu barada RBK habar berýär.
21 ýaşly günorta koreýaly ýaý atyjy Lim Si Hýon kwalifikasiýa gatnaşmak bilen mümkin bolan 720 utukdan 694 utuk gazanyp, öz watandaşy Kan Çe Ýon tarapyndan 2019-njy ýylda goýlan rekordy (692 utuk) täzeledi.
Dünýä reýtinginde ikinji orny eýeleýän Lim Si Hýon toparlaýyn ýaryşlarda 2023-nji ýylyň dünýä çempionydyr. Onuň üçin bu Olimpiýa oýunlary ilkinji boldy.
Olimpiadanyň resmi açylyşyndan öň goýlan bu rekord Pariždäki Oýunlara gatnaşyjylaryň sport ussatlygynyň iň ýokary derejesini görkezýär.
