Malaýziýaly Toh Hong-Keng 70 ýaşynda lukmançylyk diplomyny aldy. South China Morning Post gazetiniň habar bermegine görä, ol Filippinleriň PHINMA Günorta-Günbatar uniwersitetini tamamlady. Neşirde haýsy hünär ugry boýunça tamamlandygy görkezilmeýär.
Ceby Daily News-da çap edilen makalada Hong-Keng ýaşlygynda özüni himiýa, inženerçilik we maliýe pudagyna bagyşlap, lukmançylyk karýerasyny arzuw etmändigi gürrüň berilýär. Gyrgyzystanda syýahat edip ýörkä, hindistanly lukman-talyplar bilen duşuşandan soň, 65 ýaşynda, pensiýa çykmazynyň öňýany lukmançylyk ugrundan bilim almak höwesi bilen joşdy. Maşgalasynyň goldawy Hong-Kenguwa höwesini amala aşyrmaga kömek etdi - golaýda uçurym bolan Hong-Kenguwyň üç çagasy we iki agtygy bar.
Okuw mekdebini saýlamak aňsat düşmedi. Hong-Keng ýaş çäklendirmesi bolmadyk we okuw tölegi elýeterli uniwersitet gözledi. Malaýziýada ol ýaşy 35-den geçmedik ýekeje okuwçy hem tapmady we hususy okuw mekdeplerinde bolsa okuwyň tölegi gaty gymmatdy. Şeýle hem, Gyrgyzystanda okamakdan ýüz öwürdi, sebäbi bu ýaşdan soň täze dili öwrenmek özüne kyn düşer diýip hasaplady.
Hong-Keng ahyrsoňy Filippinleriň birnäçe uniwersitetine resminamalaryny tabşyrdy we 2019-njy ýylda, 66 ýaşynda Sebu şäherindäki uniwersitete kabul edildi.
Hong-Kengiň Malaýziýada lukman bolup işlemek meýli ýok, sebäbi munuň üçin ol goşmaça şahadatnama almaly bolardy. Ol satuwlar ulgamyna dolanyp, lukmançylyk pudagynda marketingi öwrenmek isleýär.
