Wenesiýa film festiwaly ýetip gelýän 81-nji gözden geçirilişiniň maksatnamasyny yglan etdi. Oňa gatnaşjaklaryň 23-nji iýulda yglan edilen sanawy Variety tarapyndan neşir edildi.
Dünýäniň iň abraýly film festiwallaryndan biri öz adyna mynasypdyr. Bu ýyl sergi ýokary derejeli premýeralara baý. Esasanam, esasy bäsleşigiň maksatnamasynda Pedro Almodowar, Breýdi Korbet, Luka Guadanýino, Jastin Kurzel, Pablo Larrain, Walter Salles we Janni Amelio ýaly meşhur režissýorlaryň täze filmleri, şeýle-de Todd Fillipsiň “Joker 2” filmi bar.
Festiwal Tim Býörtonyň “Bitljus Bitljus” filmi bilen açylar we Pupi Awatiniň “Amerikan bagy” bilen ýapylar.
Bäsleşigiň daşyndan Law Dias, Takeşi Kitano, Harmoni Korin, Kiýosi Kurosawa, Klod Leluş, Marko Bellokkýo, Errol Morris we Aliçe Rorwaher öz täze ilerini görkezer. Alfonso Kuaronyň, Tomas Winterbergiň we Jo Raýtanyň täze seriallary hem görkeziler.
Bäsleşigiň eminlerine Izabel Ýupper ýolbaşçylyk eder.
Şeýle hem, film festiwalynda aktrisa Sigurni Uiweriň (“Keseki” (“Чужой”) we režissýor Piter Uiranyň (“Trumanyň şüweleňi”) kinematografiýa goşan goşantlary hem bellener.
81-nji Wenesiýa film festiwaly 28-nji awgustdan 7-nji sentýabr aralygynda geçiriler.
