Baýden ABŞ-nyň Prezident saýlawlaryndan çekildi we Kamala Harrisi dalaşgär görkezmäge çagyrdy

  • 22.07.2024 11:42
  • 22k+

21-nji iýulda ABŞ-nyň Prezidenti Jo Baýden ikinji möhlete prezidentlige dalaş etmejekdigini mälim etdi. Bu baradaky habar onuň X (öňki Twitter) sosial ulgamyndaky akkauntynda peýda boldy.

“Meniň üçin Prezidentiňiz bolup hyzmat etmek uly hormat boldy. Gaýtadan saýlanmak islegim bolsa-da, partiýamyň we ýurduň bähbitlerine men çekilmeli we diňe häzirki möhletiň ahyryna çenli Prezident ygtyýarlyklaryny ýerine ýetirmäge üns bermeli” – diýlip, Baýdeniň amerikan raýatlaryna gönükdirilen hatynda aýdylýar.

Baýden geljekki saýlawlarda Demokratik partiýanyň wekili hökmünde wise-prezident Kamala Harrisiň dalaşgärligini teklip etdi. Ol Harrisi öz wise-prezidenti hökmünde saýlamagyny häzire çenli kabul eden iň gowy çözgüdi hasaplaýandygyny belledi.
Demokratlardan dalaşgär partiýanyň 19-22-nji awgustda geçiriljek milli gurultaýynda resmi taýdan hödürlener.
Baýdeniň ýaryşdan çykmak karary Donald Tramp bilen şowsuz çekişmelerden tas bir aý soň kabul edildi. Şondan soň Demokratik partiýanyň birnäçe wekili, şol sanda 30-dan gowrak kongresmen Baýdeni saýlawlara gatnaşmakdan ýüz öwürmäge çagyrdylar.
Baýden öz kararyny 17-nji iýulda COVID-19 ýüze çykarylandan soň, izolýasiýada bolan wagty mälim etdi. Lukmanyň aýtmagyna görä, onuň ýagdaýy ep-esli gowulaşdy.
CNN munuň birnäçe onýyllykda ABŞ-nyň Prezidentiniň saýlawlardan ýüz öwürýän ilkinji ýagdaýydygyny belleýär. Teleýaýlym Baýdeniň kararyny 1968-nji ýylda ABŞ-nyň 36-njy Prezidenti Lindon Jonsonyň ikinji möhlete dalaş etmekden ýüz öwürmegi bilen deňeşdirýär.


26.11.2025 12:21
6.2k+

ABŞ-da energiýany simsiz geçirmek boýunça rekord goýuldy

Star Catcher Industries amerikan startapy lazer şöhlesi arkaly adaty, kommersiýa Gün panellerine 1,1 kW optiki kuwwat geçirmek bilen simsiz energiýa geçiriş boýunça täze dünýä rekordyny goýdy. Synaglar Florida ştatynyň Kennedi adyndaky kosmodromynda geçirildi...

24.11.2025 14:23
11k+

Altyn ätiýaçlygy boýunça ýurtlaryň infografikasy: Merkezi banklar ony çökgünlikden goranmak üçin ýygnaýarlar

Altyn iň ygtybarly we wagtyň synagyndan geçen gymmatly serişdeleriň biri bolmagynda galýar. Bütin dünýädäki Merkezi banklar onuň gorlaryny artdyrmagyny dowam etdirýärler, bu bolsa 2025-nji ýylda metalyň bahalarynyň rekord derejede ýokarlanmagyna getirdi...

19.11.2025 23:16
19k+

Tramp Ak tamda Ronalduny kabul etdi we ony ähli döwrüň iň beýik oýunçysy diýip atlandyrdy

Portugaliýanyň milli ýygyndysynyň hüjümçisi Kriştianu Ronaldu hormatly myhman hökmünde Ak tama bardy we ABŞ-nyň Prezidenti Donald Trampyň maşgalasy bilen tanyşdy diýip, ESPN habar berýär. Sişenbe güni Tramp Waşingtonda Saud Arabystanynyň mirasdüşer şazadasy Muhammed bin Salmany kabul etdi...

13.11.2025 10:46
12k+

ABŞ-da taryhda iň uzak dowam eden "şatdaun" tamamlandy

ABŞ-nyň Prezidenti Donald Tramp ýurduň taryhynda iň uzak dowam eden hökümet işiniň togtadylmagyna (“şatdaun”) nokat goýup, wagtlaýyn maliýeleşdirmäge degişli kanuna gol çekdi diýip, CNN habar berýär. Şeýlelikde, 40 günden gowrak dowam eden federal hökümetiň işiniň togtadylmagy resmi taýdan soňlandy...