Ispaniýanyň Patyşalyk futbol federasiýasy (RFEF) öz resmi saýtynda 2030-njy ýylyň dünýä çempionatynyň oýunlaryny kabul etjek 11 şäherden ybarat sanawy ýerleşdirdi.
Oýunlar şu aşakdaky meýdançalarda geçiriler:
- “Anoeta” (San Sebastýan)
- “Kamp Nou” (Barselona)
- “Gran Kanariýa” (Las Palmas)
- Olimpiýa stadiony (Sewilýa)
- “Rosaleda” (Malaga)
- “Nuewa Romareda” (Saragosa)
- “Kornelýa-El Prat” (Barselona, Kornelýa El Prat)
- “Riasor” (La Korunýa)
- “San Mames” (Bilbao)
- “Metropolitano” (Madrid)
- “Santýago Bernabeu” (Madrid)
Öň, KHBS ýaryşyň final oýnunyň hut “Santýago Bernabeuda” geçiriljekdigini habar berdi.
DÇ-2030 alty ýurtda geçiriljek taryhda ilkinji ýaryş bolar: Urugwaý, Argentina, Paragwaý, Marokko, Ispaniýa we Portugaliýa.
Argentinanyň, Paragwaýyň we Urugwaýyň milli ýygyndylary toparlaýyn tapgyrda başlangyç oýunlaryny öz stadionlarynda geçirerler. Oýnuň esasy bölegi Marokkonyň, Ispaniýanyň we Portugaliýanyň çäklerinde geçer. Ilkinji gezek 1930-njy ýylda Urugwaýda geçirilen dünýä çempionaty 2030-njy ýylda 100 ýyllygyny bellär.
Ýaryşyň ähli oýunlarynyň geçiriljek ýeri barada gutarnykly karar 31-nji iýulda kabul ediler.
