Meşhur YouTube blogerleri MrBeast we Mark Rober ummany arassalamak üçin TeamSeas haýyr-sahawat taslamasyny gurnap, 15 400 tonnadan gowrak zibil we plastmassa ýygnadylar.
TeamTrees-iň dowamy hökmünde gurnalan taslama, dünýädäki ummanlardan, derýalardan we deňiz kenarlaryndan zibilleri aýyrmaga kömek eden haýyr-sahawatçylardan we meýletinçilerden pul serişdelerini ýygnady. Asyl maksat 30 million funt (13,000 tonna töweregi) galyndy ýygnamakdy, ýöne TeamSeas ondan ep-esli öňe geçdi.
Blogerler bilelikdäki tagallalaryň dünýäni gorap biljekdiginiň subutnamasydygyny belläp, taslama gatnaşanlaryň hemmesine minnetdarlyk bildirdiler. TeamSeas taslamasynyň netijelerini görkezýän wideonyň teswirlerinde YouTube ulanyjylary MrBeast-iň haýyr-sahawat işine haýran galyp, oňa minnetdarlyk bildirdiler.
Şeýle teswirleriň biri: "Iki sany bloger muny başaran bolsa, milliarderleriň nämeler edip biljekdigini göz öňüne getiriň”.
Blogerler öz wideosynda adamlary tebigaty goramaga çagyrdylar.
