Parižiň demirgazygynda resmi taýdan Olimpiýa obasy açyldy. Bu barada Le Parisien habar berýär.
Ol 18-nji iýulda Oýunlaryň ilkinji gatnaşyjylaryny, hususan-da, ABŞ-dan we Täze Zelandiýadan gelýän türgenleri kabul eder. Bu oba 52 gektar meýdany eýeleýär we 14 250 adamy, şol sanda 9 müňe golaý türgeni kabul etmeli. Obanyň işine 4 müň işgär we bir ýarym müňe golaý meýletinçi jogap berer.
Olimpiýa obasynyň çäginde türgenleşik desgalary, sport zallary, saglyk öýi, antidoping merkezi bar.
Belläp geçsek, Olimpiýa alawy 14-nji iýulda Pariže geldi. Fakel Ýeliseý meýdanlaryndan, soňra Milli assambleýanyň, Parižiň Bogorodisa ybadathanasynyň we Luwryň ýanyndan geçdi.
Öň, Pariždäki Sena derýasynyň Olimpiýa ýaryşlaryny geçirmek üçin ýaramsyzdygy, suwda bakteriýalaryň derejesiniň kadalydan ýokarydygy barada habarlar peýda boldy. Bu şübhäni aradan aýyrmak we suwuň sport ýaryşlary üçin ýeterlik derejede arassadygyny tassyklamak üçin iýulda Parižiň häkimi Ann Idalgo we Fransiýanyň sport ministri Ameli Udea-Kastera Sena derýasynda suwa düşdüler.
Pariždäki tomusky Olimpiýa oýunlary 26-njy iýulda başlar.
