“Ýigrenji men” (“Гадкий я”) multfilmi taryhda rekord - 5 milliard dollardan gowrak girdeji gazanan animasiýa franşizasyna öwrüldi diýip, Variety habar berýär.
Illumination we Universal studiýalary amerikan kassa ýygymynda öňdebaryjylygyny dowam etdirýän, içerki bazarda eýýäm 226 million dollar we dünýäde 437 million dollar toplan täze “Ýigrenji men-4” animasion filminiň üstünligi arkaly bu taryhy sepgide ýetip bildi.
Indi franşizany döredijiler "Minýonlaryň" üçünji bölümini çykarmagy meýilleşdirýärler, görkezilişi 2027-nji ýyla meýilleşdirilýär, bu franşizanyň üstünligini hasam berkider.
Geçen hepde kassa ýygymynda Osgud Perkinsiň we Neon studiýasynyň Nikolas Keýjiň oýnamagynda “Ruhlary çöpleýji” gorkunç filmi garaşylmadyk netijäni görkezdi. Film ilkinji hepdäniň ahyrynda bary-ýogy 20 million dollar býujet bilen 22 million dollardan gowrak girdeji gazandy.
Çenning Tatum bilen Skarlett Ýohanssonyň oýnamagynda “Maňa Aýy görkez” (“Покажи мне Луну”) komediýasy lapykeç netijelere eýe boldy. Ilkinji gün ol, hatda million dollar hem gazanyp bilmedi, ýöne dynç günleri ilkinji gezek 10 million dollar gazandy. Az-küş bolmadyk 100 million býujetiň öwezini dolmak mümkinçiligi entek uzakda görünýär.
